මන්නාරම, සවුත්බාර් ප්‍රදේශයේදී ඊයේ (24) සිදු කළ සෝදිසි මෙහෙයුමකදී නීති විරෝධී ලෙස මෙරටට රැගෙන ආ බවට සැක කෙරෙන බීඩි කොළ කිලෝ 46 ක තොගයක් නාවික හමුදා භාරයට ගෙන තිබෙනවා.
උතුරු මැද නාවික විධානයේ නිලධාරීන් පිරිසක් මන්නාරම සවුත්බාර් ප්‍රදේශයේ සිදු කළ සෝදිසි මෙහෙයුමක් අතරතුරදී කුඩා කැලෑබද ප්‍රදේශයක සඟවා තිබූ පාර්සල් තොගයක් පරික්ෂා කෙට ඇත.
එහිදී පාර්සල් 98ක අසුරා තිබූ බීඩි කොළ කිලෝග්‍රෑම් 46 ක තොගයක් නාවික හමුදා භාරයට ගෙන තිබෙනවා.
මෙම බීඩි කොළ තොගය ඉන්දියාවේ සිට මුහුදු මාර්ගයෙන් රැගෙනවිත් දිවයිනේ වෙනත් ප්‍රදේශයකට ප්‍රවාහනය කිරීමට සූදානම් කොට තිබියදී සැකකරුවන් නාවික හමුදව දැක බීඩිකොළ තොගය දමා පලාගොස් ඇති බවයි වාර්තා වන්නේ.
මෙම මෙහෙයුම මඟින් නාවික හමුදා භාරයට ගත් බීඩි කොළ තොගය ඉදිරි නීතිමය කටයුතු සඳහා මන්නාරම පොලිස් ස්ථානය වෙත භාර දී තිබෙනවා.