ඊශ්‍රායලයට සෘජුවම පහර දෙන ලෙස ඉරානයේ උත්තරීතර නායක අයතුල්ලා අලි කමේනි නියෝග කර ඇති බව විදෙස් මාධ්‍ය වාර්තා කරනවා.
ඔහු මෙම නියෝගය සිදු කර ඇත්තේ ටෙහෙරානයේ හමාස් සංවිධානයේ දේශපාලන නායක ඉස්මයිල් හනියේගේ ඝාතනයට පළිගැනීමක් වශයෙනුයි.
මොහු ඊයේ (31) ඉරානයේ උත්තරීතර ජාතික ආරක්ෂක කවුන්සිලයේ හදිසි රැස්වීමකදී මෙම නියෝගය ලබා දී තිබෙනවා.
ඉරානයේ නව ජනාධිපතිවරයාගේ පදවි ප්‍රාප්තිය සඳහා ටෙහෙරානයට පැමිණ සිටියදී ඊයේ අළුයම හමාස් දේශපාලන නායකයා ඝාතනයට ලක් වුණා.