ජනාධිපති රනිල් වික්‍රමසිංහට සහය නොදී අමාත්‍ය ධූර දරන අය එම අමාත්‍ය ධුරවලින් ඉවත් වෙතැයි තමන් බලාපොරොත්තු වන බව විදුලිබල අමාත්‍ය කංචන විජේසේකර පවසනවා.
මාධ්‍ය වෙත අදහස් දක්වමින් ඔහු කියා සිටියේ ලබන 15 වැනිදා ආණ්ඩුවේ බොහෝ අමාත්‍යවරුන් ජනාධිපතිවරයාට සහය පළ කරන බවයි.
ශ්‍රී ලංකා පොදුජන පෙරමුණ මීට වසර දෙකකට පෙර ජනාධිපති රනිල් වික්‍රමසිංහට සහය පළ කිරීමට තීරණය කළද ජනාධිපති අපේක්ෂකයා සම්බන්ධයෙන් පක්ෂයේ තීරණය අනුව පක්ෂ නායකයින් පක්ෂය හැර යමින් සිටින බවයි ඔහු අවධාරණය කළේ.
කෙසේ වෙතත් ඉදිරියේදී තවත් පිරිසක් ජනාධිපතිවරයාට සහය දැක්වීමට පැමිණිය හැකි බවත් පොදුජන පෙරමුණේ රැඳී සිටින්නේ පක්ෂ ලේකම්වරයා පමණක් බවත් ඔහු කියා සිටියා.