ජාතික ජන බලවේග රජයක් යටතේ රැකියා විරහිත උපාධිධාරීන්ගේ ගැටලුවට නිසි විසඳුම් ලබාදෙන බව ජනාධිපති අපේක්ෂක අනුර කුමාර දිසානායක පවසනවා.
හෙතෙම මේ බව සඳහන් කළේ රැකියා විරහිත උපාධිධාරීන් සමඟ පැවති සාකච්ඡාවකදීය.
ගුරු පුරප්පාඩු රට පුරා පවතින ප්‍රධාන ගැටලුවක් බව පෙන්වා දුන් අනුර කුමාර දිසානායක කියා සිටියේ මේ වන විට රැකියා විරහිත උපාධිධාරීන් 35,000ක් සිටින බවයි.
රේගු දෙපාර්තමේන්තුවේ පවතින පුරප්පාඩු සහ සංචාරක ව්‍යාපාරය ආශ්‍රිත රැකියා පුරප්පාඩු පිරවීමට කටයුතු කරමින් සිටින බවද ඔහු එහිදී දැනුම් දුන්නා.
ඒ අනුව රැකියා විරහිත උපාධිධාරීන් කෙරෙහි මූලික අවධානය යොමු කරමින් එම පුරප්පාඩු පිරවීමට තම රජය යටතේ කටයුතු කරන බවට ඔහු ප්‍රතිඥාවක ලබා දීම විශේෂත්වයකි.