සීගිරියේ සිංහ පාදය ඉහළ කොටස තාවකාලික වසා දමා තිබෙනවා.
සීගිරිය මධ්‍යම සංස්කෘතික ත්‍රිකෝණ ව්‍යාපෘති කළමනාකරු තුසිත හේරත් පැවසුවේ බඹර ප්‍රහාරයක් හේතුවෙන් සීගිරිය සිංහ පාදය ඉහළ කොටස මෙලෙස තාවකාලික වසා දමා ඇති බවයි.
සීගිරිය නැරඹීම සඳහා පැමිණි දෙස් විදෙස් සංචාරකයන් පිරිසකට අද පෙරවරුවේ දී බඹර ප්‍රහාරයක් එල්ල වී තිබෙනවා.
මෙම බඹර ප්‍රහාරයෙන් දෙස් විදෙස් සංචාරකයන් 70 අධික ප්‍රමාණයක් තුවාල ලබා ඇති බවයි අප වාර්තාකරු පැවසුවේ.
මේ වනවිට සීගිරිය ප්‍රාදේශීය රෝහලේ බඹර ප්‍රහාරයට ලක්ව 27 දෙනෙකු ප්‍රතිකාර ලබන අතර දේශීය සංචාරකයන් 05 දෙනෙකු හා විදේශීය සංචාරකයන් 22 දෙනෙක් ඊට අයත්.
සීගිරිය නැරඹීම සඳහා පැමිණෙන සංචාරකයන්ගේ ආරක්ෂාව සඳහා නැවත යථා තත්ත්වයට පත් වනතුරු සිංහ පාඅදය ඉහළ කොටස තාවකාලික වසා දැමීමට සිදුවූ බවයි සීගිරිය මධ්‍යම සංස්කෘතික ත්‍රිකෝණ ව්‍යාපෘති කළමනාකරු තුසිත හේරත් කියා සිටියේ.