එලැඹෙන ජනාධිපතිවරණය සඳහා මේ වනවිට අපේක්ෂකයින් 40 දෙනෙකු ඇප තැන්පත් කර තිබෙනවා.
පිළිගත් දේශපාලන පක්ෂ නියෝජනය කරමින් අපේක්ෂකයන් 22ක්, වෙනත් දේශපාලන පක්ෂ නියෝජනය කරමින් අපේක්ෂකයෙක් සහ ඡන්ද හිමියෙකු විසින් නාමයෝජනා කළ අපේක්ෂකයින් 17 දෙනෙකු මෙලෙස ඇප තැන්පත් කර ඇති බවයි මැතිවරණ කොමිෂන් සභාව පැවසුවේ.
ජනාධිපතිවරණයට අදාළව ඇප මුදල් භාර ගැනීමේ කටයුතු ජූලි මස 26 වැනිදා ආරම්භ වූ අතර එම කාලය අද (14) මධ්‍යාහ්න 12ට අවසන් වුණා.
2024 ජනාධිපතිවරණයට අදාළව නාමයෝජනා භාර ගැනීම හෙට (15) පෙරවරු 9 සිට 11 දක්වා මැතිවරණ කොමිෂන් සභාවේදී සිදු කිරීමට නියමිතයි.
මේ හේතුවෙන් හෙට රාජගිරිය මැතිවරණ කොමිසම අවස විශේෂ රථවාහන සැලැස්මක්ද ක්‍රියාත්මකයි.