ඉන්දීය ප්‍රීමියර් ලීග් පන්දුවාර 20 යි 20 ක්‍රිකට් තරගාවලියේ රොයල් චැලේන්ජස් බැංග්ලෝර් කණ්ඩායමට එරෙහි තරගය කඩුලු 5 කින් පන්ජාබ් කිංග්ස් කණ්ඩායම ජය ගෙන තිබේ.
මුම්බායිහීදී පැවැති තරගයේ පළමුවෙන් පන්දුවට පහර දුන් චැලේන්ජස් බැංග්ලෝර් කණ්ඩායම පන්දුවාර 20 අවසානයේ කඩුලු 2 ක් දැවී ලකුණු 205ක් රැස් කළේය.
ජයග්‍රහණය සඳහා ලකුණු 206ක ඉලක්කයක් හඹා යාමට පිටියට පිවිසි පන්ජාබ් කිංග්ස් කණ්ඩායම පන්දුවාර 19 ක් අවසානයේ කඩුලු 5ක් දැවී එම ඉලක්කය පසු කළේය. පංජාබ් කිංග්ස් කණ්ඩායම වෙනුවෙන් විශිෂ්ට පිති හරඹයක නිරත වූ භානුක රාජපක්ෂ පන්දු 22කදී ලකුණු 43ක් ලබා ගත්තේය.
ඊට හතරේ පහර 2ක් සහ හයේ පහර 4ක් ද ඇතුළත් විය.