රත්නපුර ප්‍රදේශයේදී දෙපිරිසක් අතර ඇතිවූ බහින්බස්වීමක් දුරදිග යෑම හේතුවෙන් පහර දී පුද්ගලයෙක් ඝාතනය කර තිබෙනවා.
පොලීසිය පැවසුවේ රත්නපුර, ගොඩකවෙල පොලිස් වසමට අයත් හපුගස් තැන්න ගම්මානයේ දෙපිරිසක් අතර ඇතිවූ බහින්බස්වීමක් දුරදිග යෑම හේතුවෙන් මෙම ඝාතනය සිදුව ඇති බවයි.
පහරදීමෙන් තුවාල ලැබූ පුද්ගලයා ගොඩකවෙල රෝහලට ඇතුළත් කිරීමෙන් පසු මිය ගොස් ඇති බවයි අප වාර්තාකරු පැවසුවේ.
මෙලෙස ජීවිතක්ෂයට පත්ව ඇත්තේ දුම්මලතැන්න, සපුගස්තැන්න ප්‍රදේශයේ පදිංචි 36 හැවිරිදි R.E. ලසිත දේශප්‍රිය නැමැති අවිවාහක පුද්ගලයෙක්.
පහර දුන් සැකකරු ගොඩකවෙල පොලිසිය විසින් අත්අඩංගුවට ගෙන ඇති අතර සිද්ධිය සම්බන්ධයෙන් ගොඩකවෙල පොලිසිය වැඩිදුර පරීක්ෂණ සිදුකරනු ලබනවා.