හිටපු ජනාධිපති මහින්ද රාජපක්ෂගේ පුත් යෝෂිත රාජපක්ෂ අද දිනයේදී අපරාධ පරීක්ෂණ දෙපාර්තමේන්තුව හමුවට පැමිණීමට නියමිතය.
මෙය, පසුගිය දිනවල ඔහුට එම දෙපාර්තමේන්තුවෙන් ලබාදුන් දැනුම්දීම් අනුවය.
කතරගම ප්‍රදේශයේ පිහිටි රජයේ ඉඩමක් සම්බන්ධයෙන් ප්‍රකාශයක් ලබා ගැනීම සඳහා අද දිනයේ ඔහු පෙනී සිටිය යුතු බව දැනුම්දීම්වී තිබුණි.
එම ඉඩම සම්බන්ධයෙන් හිටපු ජනාධිපති මහින්ද රාජපක්ෂගේ හිටපු ප්‍රධාන ආරක්ෂක නිලධාරී මේජර් නෙවිල් වන්නිආරච්චිගෙන්ද පසුගිය සිකුරාදා පැය 4ක පමණ කාලයක් ප්‍රකාශයක් ලබාගත් බව වාර්තා වේ.
මේ අතර, හිටපු අමාත්‍ය විමල් වීරවංශද අද අපරාධ පරීක්ෂණ දෙපාර්තමේන්තුව වෙත පැමිණීමට නියමිතය.
හිටපු අමාත්‍ය බැසිල් රාජපක්ෂ මුදල් අමාත්‍ය ධුරය දැරූ කාලයේ සිදුකළ අක්‍රමිකතාවක් සම්බන්ධයෙන් වන පැමිණිල්ලක් පරීක්ෂා කිරීම සඳහා ඔහුද එම දෙපාර්තමේන්තුව වෙත යාමට නියමිතය.