කුරුණෑගල, තෝරයායේ සිදුවූ මාරක බස් රථ අනතුරෙන් සිව් දෙනකු මිය ගොස් 24 දෙනකුට තුවාල සිදුවූ සිද්ධියට අදාළ බස් රථ දෙකේම රියැදුරන්ට කුරුණෑගල අතිරේක මහේස්ත්‍රාත් නුවන් කෞෂල්‍ය මහතා විසින් ඇප නියම කර ඇත.
සැකකාර රියදුරන් දෙදෙනාට වෙන් වෙන් වශයෙන් රුපියල් ලක්ෂ දෙකක ශරීර ඇප නියම කළ අතර, මාර්තු 20 වන දින නැවත අධිකරණයේ පෙනී සිටීමට ද නියෝග කර තිබේ.
එමෙන්ම සැකකරුවන්ගේ රියැදුරු බලපත්‍ර නැවත දැනුම් දෙනතුරු අත්හිටුවන ලෙස මෝටර් රථ කොමසාරිස්වරයාට දැන්වීමට අධිකරණ රෙජිස්ට්‍රාර්වරයාට නියෝග කර ඇත.
මෙලෙස ඇප ලබාදී ඇත්තේ අරලගංවිල ජයමුතුගම පදිංචි නිශ්ශංක සඳරුවන් සහ මැල්සිරිපුර පදිංචි ජී. රනිල් සංදීප යන අයටය.