පොසොන් උත්සවය වෙනුවෙන් අද (09) සිට 12 දා තෙක් කොළඹ කොටුවේ සිට අනුරාධපුරයට විශේෂ දුම්රිය ගමන් වාර ක්‍රියාත්මක කරන බව දුම්රිය දෙපාර්තමේන්තුව සඳහන් කරනවා.
ඒ අනුව කොළඹ කොටුවේ සිට අනුරාධපුර දක්වා දුම්රිය ගමන් වාර 20ක් සහ අනුරාධපුරයේ සිට මිහින්තලේ දක්වා දුම්රිය ගමන් වාර 36ක් ක්‍රියාත්මක බව දුම්රිය සාමාන්‍යාධිකාරී ධම්මික ජයසුන්දර මහතා පවසයි.
අනුරාධපුරයේ සිට මිහින්තලේ දක්වා දුම්රිය ගමන් වාර 36ක් ක්‍රියාත්මක වන්නේ නොමිලේ බව ඒ මහතා සඳහන් කළා.
අනුරාධපුර වන්දනාවේ පැමිණෙන පිරිස් සඳහා ආපසු යෑමටද විශේෂ දුම්රිය සේවා ක්‍රියාත්මකයි.
ඒ පිළිබඳව තොරතුරු පොසොන් වන්දනා ජංගම යෙදවුම හරහා දැනගැනීමට පහසුකම් සලසා තිබෙනවා.
ජාතික පොසොන් උත්සවය සඳහා පැමිණෙන බැතිමතුන්ගේ පහසුව සඳහා අවශ්‍ය සියලු කටයුතු මේ වනවිට සූදානම් කරමින් පවතින බව පොසොන් කමිටුව සඳහන් කරනවා.
පොසොන් සතිය ලබන 13 වනදා දක්වා ක්‍රියාත්මක වනවා.
ප්ලාස්ටික් පොලිතින් වැනි පරිසරය අපවිත්‍රවන ආදිය රැගෙන ඒමෙන් වළකින ලෙසත්, තමන් සතු වටිනා දේපළ සොර සතුන්ගෙන් ආරක්ෂා කර ගන්නා ලෙසත් පොලිසිය බැතිමතුන්ගෙන් ඉල්ලා සිටිනවා.