මැදපෙරදිග යුද්ධය හේතුවෙන් අමෙරිකාව විසින් තම රට වූ ඉරානයට එල්ල කරන ලද ගුවන් ප්රහාරවලින් සිය න්යෂ්ටික මධ්යස්ථානවලට දැඩි ලෙස අලාභ හානි සිදු වූ බව ඉරානය පළමු වරට පිළිගෙන තිබෙනවා.
‘ද හින්දුස්තාන් ටයිම්ස්’ වෙබ් අඩවිය සිදු කර ඇති සජීවී යාවත්කාලීන කිරීම් අනුව ඉරානයේ නටාන්ස්, ෆෝඩෝව් සහ ඉස්ෆහාන් යන න්යෂ්ටික මධ්යස්ථාන තුනට මෙලෙස හානි සිදු ව ඇති බවට ඉරානය පිළිගෙන ඇති බවයි.
පසුගිය සති අන්තයේ දී බංකර්-බස්ටර් බෝම්බ හෙළීම සඳහා එක්සත් ජනපද හමුදාව ඔවුන්ගේ B-2 ස්ටෙල්ත් බෝම්බ හෙලන යානා යොදවා ගත්තා.
ඉරාන විදේශ අමාත්යාංශයේ ප්රකාශක එස්මයිල් බගායි අල් ජසීරා පුවත් වෙත තහවුරු කළේ, “අපගේ න්යෂ්ටික ස්ථාපනයන්ට දැඩි ලෙස හානි සිදුවී ඇති බව නිසැකයි” යනුවෙන්.
කෙසේ වෙතත්, න්යෂ්ටික පහසුකම්වල හානිය හෝ තත්ත්වය පිළිබඳ වැඩිදුර විස්තර වෙත යාම ඔහු ප්රතික්ෂේප කර සිටියා.