ප්රංශය ඇතුළු යුරෝපයේ රටවල් කිහිපයකට මේ වන විට බලපා ඇති දැඩි උණුසුම් කාලගුණික තත්ත්වය හේතුවෙන්, එරට ජනතාව වායුසමීකරණ යන්ත්ර මිලදී ගැනීම සඳහා වැඩි අවධානයක් යොමු කර ඇති බව වාර්තා වේ.
සාමාන්යයෙන් ප්රංශ නිවාසවල වායුසමීකරණ යන්ත්ර භාවිතය ඉතා සීමිත මට්ටමක පැවති නමුත්, මේ දිනවල පවතින අසාමාන්ය උෂ්ණත්වය හමුවේ එම තත්ත්වය ඉක්මනින් වෙනස් වෙමින් පවතින බව සඳහන් වේ.
ප්රංශයේ ප්රධාන නගර රැසක උෂ්ණත්වය වාර්තාගත අගයන් දක්වා ඉහළ ගොස් ඇති අතර, ඒ හේතුවෙන් විදුලි උපකරණ අලෙවිසැල් ඉදිරිපිට වායුසමීකරණ යන්ත්ර මිලදී ගැනීම සඳහා විශාල පිරිසක් රැස්වන ආකාරය දැකගත හැකි බව විදෙස් මාධ්ය වාර්තා කරයි. ඇතැම් ස්ථානවල මෙම උපකරණ ලබා ගැනීම සඳහා පැමිණි පාරිභෝගිකයින් අතර නොසන්සුන්තා සහ ගැටුම්ද ඇති වී තිබේ.
මීට පෙර වායුසමීකරණ යන්ත්ර අවශ්ය නොවන බවට සැලකූ ප්රදේශවල පවා මේ වන විට ඒවා සඳහා දැඩි ඉල්ලුමක් ඇති වී ඇති අතර, එම ඉල්ලුමට සරිලන පරිදි සැපයුම් ලබාදීමට වෙළෙඳ ආයතන කටයුතු කරමින් සිටී.
බොහෝ පාරිභෝගිකයින් සඳහන් කර ඇත්තේ අධික උෂ්ණත්වය හේතුවෙන් නිවෙස් තුළ රැඳී සිටීම පවා අපහසු වී ඇති බැවින්, වායුසමීකරණ යන්ත්ර මිලදී ගැනීම මේ වන විට අවශ්යතාවක් බවට පත්ව ඇති බවයි.