මේ වනතෙක් ලංකා සතොස වෙත පමණක් නිකුත් කළ සහල් තොග සියලු සුපිරි වෙළෙඳසැල් ජාලයන් වෙත මෙම සතිය තුළ නිකුත් කිරීමට තීරණය කර තිබේ.
ඊයේ (01) වෙළඳ අමාත්‍යංශයේදී වෙළෙඳ අමාත්‍ය ශෙහාන් සේමසිංහ සහ සුපිරි වෙළෙඳසැල් ජාලයේ නියෝජිතයින් අතර පැවති සාකච්ඡාවේදී මෙම තීරණය ගෙන ඇත.
පාරිභෝගික ජනතාව වෙත සහන සැලසීමේ අරමුණින් ආනයනික සහල් තොග අවසන් වනතෙක් මෙම නව ක්‍රමය ක්‍රියාත්මක බව වෙළඳ අමාත්‍යාංශය නිවේදනය කළේය.
ඒ අනුව එක් පාරිභෝගිකයෙකු සඳහා සහල් කිලෝ ග්‍රෑම් පහක (05) උපරිමයකට යටත්ව ලබාගත හැකි අතර එම සහල් වර්ග අලෙවි කරනු ලබන සිල්ලර මිල ගණන් පහත දැක්වේ.
නාඩු සහල් කිලෝ ග්‍රෑම් එකක් රුපියල් 145.00කට සහ සම්බා සහල් කිලෝ ග්‍රෑම් එකක් රුපියල් 175.00කට අලෙවි කිරීමට පියවර ගෙන තිබේ.