රටේ පවතින අර්බුදකාරී තත්ත්වය හේතුවෙන් රාජ්‍ය සේවකයින්ගේ පමණක් වැටුප් වැඩිකිරීම නොව රාජ්‍ය සහ පෞද්ගලික යන දෙඅංශයේම සේවකයින්ගේ ප්‍රවාහන සහ ආහාර අවශ්‍යතා සපුරා ගැනීම සඳහා යම් කිසි දීමනාවක් ලබා දීමට කටයුතු කළ යුතු බව රාජ්‍ය පරිපාලන අමාත්‍යාංශයේ ලේකම් එම්. එම්. පී. කේ. මායාදුන්නේ පැවසීය.
ලේකම්වරයා මේ බව ප්‍රකාශ කළේ අද (30) කොළඹදී පැවති උත්සවයකට එක්වෙමිනි.
අද වනවිට සේවයට වාර්තා කිරීම පවා දැඩි වියදමක් වී ඇති බවත් ඉදිරියේදී උග්‍ර ආහාර හිඟයකට මෙරට ජනතාවට මුහුණ පෑමට සිදුවන බව ඉඳුරාම තමාට විශ්වාස බවත් හෙතෙම එහිදී අවධාරණය කලේය.