මැයි 09 වැනිදා ඇතිවූ ප්‍රචණ්ඩකාරී සිදුවීම් නිසා පාර්ලිමේන්තු මන්ත්‍රීවරුන්ට සිදුවූ බලපෑම ගැන වහාම විභාග කරන ලෙස පොදුරාජ්‍ය මණ්ඩලයේ මහලේකම්වරයාට දැනුම් දුන් බව අග්‍රාමාත්‍ය රනිල් වික්‍රමසිංහ පැවසීය.
අග්‍රාමාත්‍යවරයා මේ බව ප්‍රකාශ කළේ අද (10) පාර්ලිමේන්තුවේදීය. මැයි 09 වැනිදා නිට්ටඹුවේ ප්‍රචණ්ඩ ක්‍රියා අතරට මැදිව ඝාතනයට ලක්වූ පොළොන්නරුව දිස්ත්‍රික් හිටපු පාර්ලිමේන්තු මන්ත්‍රී අමරකිර්ති අතුකෝරළ පිළිබඳ ශෝකය පළ කිරීමේ යෝජනාව පිළිබඳ විවාදයට එක්වෙමිනි.