පිටකොටුව, බැස්ටියන් මාවත ප්රදේශයේදී පසුගියදා සිදුකළ වෙඩි තැබීමට සම්බන්ධ ප්රධාන සැකකරු පොලිස් වෙඩි පහරින් ජීවිතක්ෂයට පත්ව ඇති බව වාර්තා වෙයි.
අදාළ සැකකරු අත්අඩංගුවට ගැනීමට යාමේදී පොලිසිය හා සැකකරු අතර ඇති වූ වෙඩි හුවමාරුවකින් අනතුරුව ඔහු ජීවිතකෂයට පත්ව තිබේ.
මෙම සැකකරු ගම්පහ, බෙම්මුල්ල ප්රදේශයේදී පොලිස් වෙඩි පහරින් මිය ගොස් ඇති බව වාර්තා වෙයි. මෙලෙස මියගොස් ඇත්තේ 41 හැවිරිදි අයෙක් වන අතර ඔහු දර්ගා නගරය සහ ඇල්පිටිය ප්රදේශයේ පදිංචිකරුවෙකි.
මොහු අපරාධ කල්ලි සාමාජික ‘ගණේමුල්ල සංජීව’ නැමැත්තාගේ ප්රධාන ගෝලයෙක් බවටද හඳුනාගෙන තිබේ.
පසුගිය මැයි 30 වැනිදා බැස්ටියන් මාවත ප්රදේශයේදී සිදුකළ වෙඩි තැබීමෙන් පුද්ගලයින් දෙදෙනෙකු තුවාල ලැබූ අතර ඉන් එක් පුද්ගලයෙකු ජීවිතක්ෂයට පත්විය.