ඉන්ධන පිරවුම්හලක් තුළදී හමුදා නිලධාරියෙකු විසින් තරුණයෙකුට පහර දෙන අයුරු දැක්වෙන වීඩියෝවක් මේ වන විට සමාජ මාධ්‍ය තුළ සංසරණය වනවා.
කුරුණෑගල, යග්ගපිටිය ප්‍රදේශයේ පිහිටි ඉන්ධන පිරවුම්හලක දී මෙම පහරදීම සිදුකර ඇති බවටයි තොරතුරු වාර්තා වුණේ.
කෙසේ වෙතත් අදාළ වීඩියෝව සමාජ මාධ්‍ය මාධ්‍ය වෙත මුදාහැරි පුද්ගලයාට, විවිධ පුද්ගලයින් විසින් මේ වනවිට දුරකථනය ඔස්සේ තර්ජන එල්ල කරන බව අදාළ පුද්ගලයා අප සමඟ සඳහන් කළා.
මෙම තර්ජන හමුවේ තමන් මේ වනවිට බියට පත්ව සිටින බවයි ඔහු වැඩිදුරටත් අප සමඟ ප්‍රකාශ කර සිටියේ. මේ අතර අදාළ පහරදීමේ සිද්ධිය සම්බන්ධයෙන් විමර්ශන ආරම්භ කර ඇති බව යුද හමුදාව පවසනවා.
එමෙන්ම එම නිලධාරියාගේ ක්‍රියාකලාපය සම්බන්ධයෙන් ආයතනික මට්ටමින් පරීක්ෂණයක් සිදුකරන බවයි හමුදා මාධ්‍ය ප්‍රකාශකවරයා සඳහන් කර සිටියේ.