ඉන්ධන බලපත්‍ර ක්‍රමය හෙවත් QR ක්‍රමවේදය යටතේ ඉන්ධන ලබාදීමේ කටයුතු අද (25) සිට දිවයින පුරා ක්‍රියාත්මක කරන බව බලශක්ති අමාත්‍ය කංචන විජේසේකර මීට පෙර සඳහන් කළේය.
කෙසේ වෙතත් එම ක්‍රමවේදය යටතේ ඉන්ධන ලබාදීමේ කටයුතු අද (25) තෝරාගත් ඉන්ධන පිරවුම්හල් කිහිපයක පමණක් සිදුකිරීමට සැලසුම් කර ඇති බව වාර්තා වෙයි.
QRර්‍ ක්‍රමවේද හඳුන්වා දුන් තොරතුරු හා සන්නිවේදන තාක්ෂණ නියෝජිතායතනය සඳහන් කළේ පවතින තත්ත්වය තුළ අද (25) දිනයේදීත් මෙය නියමු ව්‍යාපෘතියක් ලෙස ක්‍රියාත්මක වන බවයි.
මෙය දිවයින පුරා ක්‍රියාත්මක කිරිමට තවත් දින කිහිපයක් ගතවනු ඇති බව එම ආයතනය වැඩිදුරටත් සඳහන් කළේය.