අධිකරණ නියෝග උල්ලංඝණය කරමින් ගාලුමුවදොර, බණ්ඩාරනායක පිළිරුව අසළ රැඳී සිටි පුද්ගලයින් 04 දෙනෙකු පොලිසිය විසින් අත්අඩංගුවට ගෙන තිබේ.
පොලිස් මාධ්‍ය ප්‍රකාශක, ජ්‍යේෂ්ඨ පොලිස් අධිකාරි නීතිඥ නිහාල් තල්දූව සඳහන් කළේ පිළිරුව පිහිටි ස්ථානයේ සිට මීටර් 10ක ප්‍රදේශයේ රැඳී සිටියදී එම පිරිස අත්අඩංගුවට ගත් බවයි.
ගාලු මුවදොර, බණ්ඩාරණායක පිළිරුව පිහිටි ස්ථානයේ සිට මීටර් 50ක ප්‍රදේශයකට ඇතුළුවීම වළක්වමින් කොළඹ කොටුව මහේස්ත්‍රාත් අධිකරණයයෙන් පසුගියදා නියෝගයක් නිකුත් කරනු ලැබීය.
අදාළ සැකකරුවන් අද කොටුව මහේස්ත්‍රාත් අධිකරණයට ඉදිරිපත් කිරීමට නියමිතයි.