ශ්‍රී ලංකාවේ බ්‍රිතාන්‍ය මහ කොමසාරිස් සාරා හල්ටන් සහ ජනාධිපති රනිල් වික්‍රමසිංහ අතර ඊයේ (28) පස්වරුවේ ජනාධිපති කාර්යාලයේදී හමුවක් පවත්වා ඇති බව ජනාධිපති මාධ්‍ය අංශය නිවේදනය කරයි.
එහිදී ජනාධිපතිවරයා වෙත සිය සුබපැතුම් පිළිගැන්වූ මහ කොමසාරිස්වරිය කරුණු කිහිපයක් පිළිබඳව පුළුල් සාකච්ඡාවක නිරත වී තිබේ.
ආර්ථික ප්‍රකෘතිමත්භාවය සහ දේශපාලන ස්ථාවරත්වය සඳහා රජය ගෙන ඇති පියවර පිළිබඳව ජනාධිපතිවරයා මහකොමසාරිස්වරිය එහිදී දැනුවත් කළ බව ජනාධිපති මාධ්‍ය අංශය වැඩිදුරටත් සඳහන් කළේය.
එක්සත් ජාතීන්ගේ මානව හිමිකම් සම්බන්ධව ශ්‍රී ලංකාවේ වගවීම, මානව හිමිකම්වලට අනුකූලව කටයුතු කිරීම ඇතුළු කරුණු කිහිපයක් පිළිබඳවද මෙහිදී සාකච්ඡා කර තිබේ.
ශ්‍රී ලංකාව සහ බ්‍රිතාන්‍ය අතර සබඳතා ශක්තිමත් කර ගැනීම සිය අපේක්ෂාව බව ජනාධිපතිවරයා එහිදී සඳහන් කළ අතර ඒ සඳහා පූර්ණ සහාය ලබාදෙන බවට මහකොමසාරිස්වරිය සහතික වී තිබේ.