ඉන්ධන ලීටරයක් රුපියල් 250ක පමණ මුදලකට ලබාදිය හැකි බවට මහජන උපයෝගිතා කොමිසමේ සභාපති ජනක රත්නායක සිදුකළ ප්‍රකාශය සම්බන්ධයෙන් විමර්ශනයක් ආරම්භ කර තිබෙනවා.
පාර්ලිමේන්තුවේ පොදු ව්‍යාපාර පිළිබඳ කාරක සභාව සිදුකළ නිර්දේශයක් අනුව ජාතික විගණන කාර්යාලය මෙම විමර්ශනය සිදුකරන බවයි වාර්තා වුණේ.
මහජන උපයෝගිතා කොමිසමේ සාමාජිකයින් කෝප් කමිටුව හමුවට පසුගිය දිනක කැඳ වූ අවස්ථවේ දී මහජන උපයෝගිතා කොමිසමේ සභාපතිවරයා සඳහන් කළේ සියලු බදු එක්කර ඉන්ධන ලීටරයක් රුපියල් 250ක් වැනි මුදලකට ලබාදීමේ හැකියාව පවතින බවයි.