ශ්‍රී ලංකාවේ ළමා මන්දපෝෂණය සම්බන්ධයෙන් යුනිසෙෆ් ආයතනය ඉදිරිපත් කළ වාර්තාව සම්බන්ධයෙන් විවාදයක් ලබා දෙන ලෙස විපක්ෂ නායක සජිත් ප්‍රේමදාස පැවසීය.
විපක්ෂ නායකවරයා මේ බව ප්‍රකාශ කළේ අද (29) පාර්ලිමේන්තුවේදී ඉල්ලීමක් කරමිනි.
එම වාර්තාවෙන් හෙළි කෙරුණු කරුණු සම්බන්ධයෙන් පැහැදිලි කිරීමක් කරන්නැයි සෞඛ්‍ය අමාත්‍යවරයාගෙන් ඉල්ලීමක් කරන බවද සජිත් ප්‍රේමදාස පාර්ලිමේන්තුවේදී සඳහන් කළේය.
යුනිසෙෆ් සංවිධානයේ වාර්තාවක් අනුව මන්දපෝෂණය උග්‍ර රටවල් අතර ශ්‍රී ලංකාව 6 ස්ථානයට පත්ව ඇති අතර ළමා මන්දපෝෂණය අතින් දකුණු ආසියාවේ දෙවැනි තැනට ශ්‍රී ලංකාව පත්ව ඇත.