ශ්‍රී ලන්කන් ගුවන් සේවයේ ගුවන් යානාවලට අවශ්‍ය ඉන්ධන ඉන්දියාවෙන් ලබා ගැනීම නිසා මසකට ඇමෙරිකානු ඩොලර් මිලියන 07ක අමතර පාඩුවක් විඳීමට සිදුව ඇති බව ශ්‍රී ලන්කන් ගුවන් සමාගම පවසයි.
තෙල් සංස්ථාව ගුවන්යානා ඉන්ධන ලබා නොදීම හේතුවෙන් මෙම පාඩුව සිදුව තිබේ. ඉන්ධන මිලදී ගැනීම සඳහා ඉන්දියාවට යාමට ඒමට යන වියදම හා ඉන්ධන, ගුවන් යානාවල ක්ෂය වීම සඳහා මෙම පාඩුව සිදුවන බව ගණන් බලා ඇත.
තෙල් ලබා ගැනීම සඳහා ගුවන්යානා විසිපහක් තිහක් අතර ප්‍රමාණයක් මසකට ඉන්දියාවට යන බව සඳහන් වේ. මේ පියාසර කිරීම අතිරේක ගමනක් වන අතර ගුවන් යානාවල ක්ෂය වීම දීර්ඝ කාලීනව බලපාන බව ශ්‍රී ලන්කන් ගුවන් සේවයේ සඳහන් කරයි.