විරෝධතාකරුවන් විසින් ගාලුමුවදොර පිහිටි ගොඩනැගිලිවලට රුපියල් ලක්ෂ 60ක අලාභ හානි සිදුකර ඇති බව අමාත්‍ය නිමල් සිරිපාල ද සිල්වා පවසයි.
අමාත්‍යවරයා මේ බව ප්‍රකාශ කළේ ශ්‍රී ලංකා වරාය අධිකාරිය විසින් ජනතා ප්‍රයෝජනය සඳහා පිහිටුවා ඇති වෙළෙඳසැල්, බංකු, තාප්ප ඇතුළු අනෙකුත් ව්‍යුහයන්ට සිදුවී ඇති හානිය තක්සේරු කිරීමේ නිරීක්ෂණ චාරිකාවකදීය.
හානියට පත් වෙළඳසැල් අලෙවිකරුවන්ට ලබාදීමට පෙර ඒවා ප්‍රතිසංස්කරණය කිරීමේ පිරිවැය වරාය අධිකාරිය විසින් දැරිය යුතු බවද අමාත්‍යවරයා සඳහන් කළේය.