චීන ජනාධිපති ෂී ජින් පින්ග් නිවාස අඩස්සියට පත්ව සිටින බවට පළ වූ වාර් තා අසත්‍යයක් බවට පත් කරමින් ජනාධිපතිවරයා ඊයේ (27) බීජිංහි පැවැති ප්‍රදර්ශනයක් නැරඹීමට එක් වී තිබේ.
විදෙස් මාධ්‍ය මේ බව තහවුරු කරයි. පසුගිය දිනවල ට්විටර් ඇතුළු සමාජ ජාලා රැසක තොරතුරු පළ වුණේ උස්බකිස්ථානයේ, උස්බෙක්හි පැවති කලාපීය ආරක්ෂක සමුළුවට සහභාගි වීමෙන් අනතුරුව නැවත චීනයට පැමිණි ජනාධිපතිවරයා හමුදා කුමන්ත්‍රණයකට හසුව නිවාස අඩස්සියේ පසුවන බවයි.
මේ වනවිට 69 වියෙහි පසුවන චීන නායකයා එළඹෙන මාසයේ පැවැත්වෙන චීන කොමියුනිස්ට් පක්ෂ සම්මේලනයේදී ඓතිහාසිකව තුන්වන වරටත් පක්ෂයේ නායකත්වය මෙන්ම නැවතත් රටේ නායකයා වීමටද නියමිතය.