ආරච්චිකට්ටුව බුරුත කැලේ ප්‍රදේශයේ ස්ථාන දෙකක කලක සිට පවත්වාගෙන ගිය නීතිවිරෝධී මත්පැන් පෙරීමේ ස්ථාන දෙකක් වැටලීමට පුත්තලම පොලිස් විශේෂ කාර්ය බලකා නිළධාරින් සමත් වී තිබේ.
එහිදී ලක්ෂ තිහකට ආසන්න මත්පැන්, ගෝඩා ඇතුළු පෙරීමේ උපකරණ රැසක් සමග සැකකරුවන් දෙදෙනෙක් ඊයේ (18) අත්අඩංගුවට ගෙන තිබේ.
අදාළ ස්ථානය වටලන අවස්ථාවේදී බැරල් 35ක ගෝඩා දමා පෙරීමට සූදානම් කර තිබු බවත් එහි ගෝඩා බෝතල් 7000 කට අධික ප්‍රමානයක් තිබූ බවත් විශේෂ කාර්ය බලකා නිලධාරීන් පවසයි.
එමෙන්ම පෙරන ලද නීතිවිරෝධී මත්පැන් බෝතල් 270ක් ප්ලාස්ටික් බූලි තුළ තිබියදී සොයාගෙන තිබේ.
පොලිස් විශේෂ කාර්ය බලකාය විසින් මෑතකදී සිදු කළ දැවැන්තම නීති විරෝධී මත්පැන් වැටලීම මෙය වේ.