ශ්‍රී ලංකා පාපන්දු සම්මේලනයේ සභාපති ලෙස ජස්වර් උමාර් සහ පාපන්දු සම්මේලනයේ ලේකම් උපාලි හේවගේ විසින් ඉදිරිපත් කළ නඩුව අද (20) අභියාචනාධිකරණයේදී විභාගයට ගනු ලැබීය.
එහිදී ක්‍රීඩා අධ්‍යක්ෂ ජනරාල්වරයා අධිකරණය හමුවේ කියා සිටියේ දින 69 ක් ඇතුළතදී පාපන්දු සම්මේලනයේ නිලවරණය පැවැත්වීමට කටයුතු කරන බවයි.
ඔක්තොම්බර් 26 වැනිදා අදාළ නඩුව නැවත කැඳවීමට අධිකරණය තීරණය කරනු ලැබූ අතර එදිනට පාපන්දු සම්මේලනයේ නිලවරණය පවත්වන දිනය නිශ්චිත ලෙස දන්වන්නැයි ක්‍රීඩා අධ්‍යක්ෂ ජනරාල්වරයාට නියෝග කර තිබේ.