ලාෆ් ගෑස් සමාගෙම් කහ පැහැති සිලින්ඩර ලිත්‍රො සමාගමේ නියෝජිතයන් හරහා නිල් පාට ගැන්වීමේ වැඩපිළිවෙළක් සංවිධානාත්මක ක්‍රියාත්මක කරමින් ඇතැයි ලාෆ් ගෑස් සමාගමේ සභාපති ඩබ්ලිව්.කේ.එච්. වෑගපිටිය මහතා පැවසීය.
මේ සම්බන්ධයෙන් පොලිස්පතිතුමාට පැමිණිලි කර ඇති බවද කී ඔහු ඉදිරියේ දී අධිකරණය හමුවට යන බව සඳහන් කළේය.
දැනට තම සමාගම විසින් ගෑස් බෙදාදීම අඩාල වී ඇත්තේ ණයවර ලිපි සදහා ඩොලර් ලබා නොදිම නිසා බවත් කී ඔහු ප්‍රමාණවත් ඩොලර් ලබාදෙන්නේ නම් ඉතා ඉක්මනින් තත්වය විසඳා ලිය හැකි බවද පැවසීය.
සිය ආයතනයේදී පැවති මාධ්‍ය හමුවකදී ඒ මහතා මෙම අදහස් පල කරන ලදී.