විදේශිකයන් සහ ශ්‍රී ලාංකිකයන් අතර විවාහ ලියාපදිංචියට පැවති බාධා ඉවත් කරන ලෙස ලෙස අග්‍රාමාත්‍ය දිනේෂ් ගුණවර්ධන විසින් රෙජිස්ට්‍රාර් ජනරාල්වරයාට උපදෙස් ලබා දී ඇති බව වාර්තා වෙයි.
අද (02) පෙරවරුවේ රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යංශයේදී පැවති ප්‍රගති සමාලෝචන රැස්වීමට එක්වෙමින් අග්‍රාමාත්‍යවරයා මේ බව ප්‍රකාශ කළේය.
එලෙස බාධා ඇති වීමට හේතු වූ චක්‍රලේඛය වහාම අහෝසි කරන ලෙස අග්‍රාමාත්‍යවරයා එහිදී උපදෙස් ලබා දී තිබේ.