ජනාධිපති රනිල් වික්‍රමසිංහගේ ප්‍රධානත්වයෙන් අද (14) පෙරවරුවේ විශේෂ අමාත්‍ය මණ්ඩල රැස්වීමක් කැඳවා තිබෙනවා.
මෙම රැස්වීම සඳහා සහභාගී වන ලෙස සියලු අමාත්‍යවරුන්ට දැනුම් දී ඇති බවයි වාර්තා වන්නේ.
අද දිනයේදී පාර්ලිමේන්තුවට ඉදිරිපත් කිරීමට නියමිත ජනාධිපති රනිල් වික්‍රමසිංහගේ මංගල අයවැයට අනුමැතිය ලබාගැනීම සඳහා මෙම අමාත්‍ය මණ්ඩල රැස්වීම කැඳවා ඇති බවයි දේශපාලන ආරංචි මාර්ග සඳහන් කළේ.
ජනාධිපති ලේකම් කාර්යාලයේදීයි මෙම විශේෂ අමාත්‍යමණ්ඩල රැස්වීම පැවැත්වෙන්නේ.