එක්ස්ප්‍රස් පර්ල් නෞකාව ගිනි ගැනීමේ සිද්ධියට අදාළව සිදුකරන පරීක්ෂණවල ප්‍රගතිය ජනවාරි 20 වැනිදා අධිකරණයට වාර්තා කරන ලෙස කොළඹ මහාධිකරණය අද (05) සමුද්‍ර දූෂණ වැළැක්වීමේ අධිකාරියට නියෝග කළේය.
එම අවස්ථාවේදී අදාළ සිද්ධියේ සැකකරුවන් වශයෙන් නම් කර සිටින ගිනිගත් නෞකාවේ රුසියානු ජාතික කපිතාන්වරයා සහ එහි දේශීය නියෝජිත සමාගමේ අධ්‍යක්ෂවරුන් තුන්දෙනා අධිකරණය හමුවේ පෙනී සිටියේය.
ඒ අනුව පැමිණිල්ල නැවත ජනවාරි මස 20 වැනිදා කැඳවන ලෙස නියෝග කළ විනිසුරුවරයා එදිනට පරීක්ෂණවල ප්‍රගතිය වාර්ථා කරන ලෙස සමුද්‍ය දූෂණ වැලැක්වීමේ අධිකාරියට නියෝග කළේය.