මිනිස් වෙළඳාම සම්බන්ධයෙන් චෝදනා එල්ල වී දැනට වැඩ තහනමට ලක්ව සිටින ඕමානයේ ශ්‍රී ලංකා තානාපති කාර්යාලයේ තෙවැනි ලේකම් ඊ. කුෂාන් මෙරටට පැමිණි වහාම අත්අඩංගුවට ගන්නා බව කම්කරු හා විදේශ රැකියා අමාත්‍ය මනූෂ නානායක්කාර පැවසීය.
හෙතෙම මේ බව ප්‍රකාශ කළේ අද (22) පාර්ලිමේන්තුවේදී අදහස් දක්වමිනි.
දැනට ඕමානයේ සුරක්ෂා මධ්‍යස්ථානයේ රැඳී සිටින මෙරට ශ්‍රමිකයින් ගෙන්වා ගැනීම සඳහා අවශ්‍ය මුදල් වෙන් කර ගැනීමට අමාත්‍ය මණ්ඩල අනුමැතිය හිමිව තිබේ.