පසුගිය මැයි මාසයේ සිට රටතුළ ඇති වූ කලහකාරී සිද්ධි හේතුවෙන් නිවාස හා දේපළ අහිමි වූ මන්ත්‍රීවරුන් 76 දෙනෙකුට තාවකාලික නිවාස ලබාදී ඇති බව නිවාස අමාත්‍ය ප්‍රසන්න රණතුංග පැවසීය.
වසරක කාලයක් සඳහා මෙම නිවාස ලබාදෙන බවත් ඒවායේ පදිංචි මන්ත්‍රීවරුන්ගෙන් මාසික කුලිය අයකර ගන්නා බවත් ඔහු දන්වා සිටියේය.
එම නිවාස සංකීර්ණයේ නිවාස 106ක් ඇති බවත් අවශ්‍ය නම් එම නිවාසවල අනෙකුත් මන්ත්‍රීවරුන්ට ජීවත් විය හැකි බවත් ඔහු දැනුම් දුන්නේය.
මන්ත්‍රීවරුන්ට මෙම නිවාස මිලදී ගෙන ස්ථිර පදිංචිය ලෙස භාවිත කළ හැකි බවද ඔහු සඳහන් කළේය.