චීන රජයෙන් ලැබුනු ඉන්ධන සහනය සෑම ගොවියෙකුටම නොමිලේ ලබාදීමට රජය තීරණය කර තිබේ.
හෙක්ටෙයාර් එකකට අඩු ප්‍රමාණයක වී වගා කළ ගොවීන්ටයි මෙම ඉන්ධන ලබාදීමට තීරණය කර ඇත්තේ.
ජනාධිපති රනිල් වික්‍රමසිංහ චීන රජයෙන් කළ ඉල්ලීමකට අනුව මෙම ඉන්ධන තොගය මෙරටට ලැබී ඇති අතර එලෙස ලබාදුන් ඉන්ධන ලීටර් මිලියන 10.06න් ඉන්ධන ලීටර් මිලියන 6.98ක් ශ්‍රී ලංකාවේ වී වගාවේ නියුතු ගොවිජනතාවට සහන සැලසීමක් වශයෙන් යෙදීමට තීරණය කර තිබේ.
චීන රජයෙන් ලැබුණු සමස්ත ඉන්ධන ප්‍රමාණයෙන් ඉතිරි කොටස මෙරට ධීවර කටයුතු සඳහා ලබා දීමට නියමිත බවයි වාර්තා වන්නේ.