නොරොච්චෝල බලාගාරයට අවශ්‍ය ගල්අඟුරු නෞකා 6ක් ජනවාරි මාසය තුළ ලැබීමට නියමිත බව ලංකා ගල්අඟුරු සමාගම පවසයි.
එනොරොච්චෝල බලාගාරයට අවශ්‍ය ගල්අඟුරු ලැබීමේ ක්‍රමවේදය බාධාවකින් තොරව සිදු කිරීමට අවශ්‍ය සියලු ක්‍රියාමාර්ග ගෙන ඇති බවයි එහි සභාපතිවරයා පවසන්නේ.
ඒ අනුව දෙසැම්බර් මස 28 වැනිදා පැමිණීමට නියමිතව තිබූ ගල් අඟුරු මෙට්‍රික් ටොන් 60,000ක් රැගත් නෞකාව ජනවාරි 04 වැනිදා මෙරටට ළඟාවීමට නියමිත බවත් ඔහු සඳහන් කළේය.
ඊට අමතරව ජනවාරි මස 12, 15, 18, 23, 27 සහ 31 යන දිනයන්හි තවත් නෞකා 6ක් මෙරටට ළඟාවීමට නියමිත බවත් එම නෞකා 6න් තුනකට මේ වනවිට මුදල් ගෙවීම් කටයුතු සිදුකර ඇති බවත් හෙතෙම අවධාරණය කළේය.