ලංකා විදුලිබල මණ්ඩලය විදුලි ගාස්තු ඉහළ දැමීමට යොදාගෙන ඇති තොරතුරු නිවැරදි නොවන බව පාර්ලිමේන්තු මන්ත්‍රී පාඨලි චම්පික රණවක මහතා පැවසුවා.
වර්තමානයේ දිනක විදුලි ඉල්ලුම ගිගාවොට් 37 ක් වුවත් දිනක ඉල්ලුම ගිගාවොට් 48 ක් ලෙස ගෙන ලබන වසරේ විදුලි ඉල්ලුම පුරෝකථනය කර ඇති බව ඔහු පවසනවා.
පසුගිය අගෝස්තු මාසයේ කළ ගාස්තු වැඩි කිරීමෙන් රුපියල් බිලියන අටහමාරක පමණ ලාභයක් ලැබූ බවත් එම මුදල ලංකා විදුලිබල මණ්ඩලය පවත්වාගෙන යෑමට අවශ්‍ය ධනයට වඩා වැඩි ලාභයක් උපයා ඇති බව ද ඔහු සඳහන් කළා.