මහ කන්නයේදී වගා හානි වූ ගොවීන්ට මුදල් ආධාර ලබාදීමේ වැඩපිළිවෙල අද (29) ආරම්භ කරන බව කෘෂිකර්ම අමාත්‍ය මහින්ද අමරවීර පවසයි.
අදාළ මුදල් ගොවීන්ගේ ගිණුම්වලට බැර කිරීම නිල වශයෙන් අද ආරම්භ කරන බවයි කෘෂිකර්ම අමාත්‍යාංශය පැවසුවේ.
පසුගිය මහ කන්නයේ සිදුවු අස්වනු හානිය සැලකිල්ලට ගනිමින් ගොවි පවුල් මිලියන 1.2කට මහ කන්නයේදී ආසියානු සංවර්ධන බැංකුව විසිනි රුපියල් බිලියන 08ක මුදලක් ලබා දී තිබේ.
ඒ අනුව කුඹුරු හෙක්ටයාරයක් ඇති ගොවීන්ට රුපියල් 10,000ක් හා ඊට වැඩියෙන් ඇති ගොවින් සඳහා රුපියල් 20,000ක් වශයෙන් ගොවි ගිණුම්වලට බැර කිරීමට නියමිතය.