වසර දෙකකට ආසන්න කාලයකට පසු මත්තල රාජපක්ෂ ගුවන්තොටුපොළේ ජාත්‍යන්තර මෙහෙයුම් කටයුතු අරම්භ කරන බව සිවිල් ගුවන් සේවා අධිකාරිය පවසයි.
අද උදෑසන මඟීන් 400කට වැඩි පිරිසක් රැගෙන රෙඩ් වින්ග්ස් ගුවන් සමාගමට අයත් බොයිං 777 – 200 වර්ගයේ ගුවන් යානයක් රුසියාවේ සිට මත්තල ගුවන් තොටුපලට පැමිණීමට නියමිත බව නිවේදනයක් නිකුත් කරමින් සිවිල් ගුවන් සේවා අධිකාරිය සඳහන් කර තිබේ.
ඒ අනුව රෙඩ් වින්ග්ස් ගුවන් සමාගම 2023 වසරේ සිට සතියකට නව ගුවන් වාර 2ක බැගින් ක්‍රියාත්මක කිරීමට නියමිතය.
මත්තල ගුවන්තොටුපොළට අවසන් වරට මගී ගුවන් යානයක් පැමිණි ඇත්තේ 2021 වසරේදී වන අතර මෙරට ගුවන් සීමාවට ඉහලින් පියාසර කරන ගුවන් යානාවලට හදිසි ගොඩබෑම් සඳහා යොදාගත් ගුවන් තොටුපොළක් ලෙසද මෙම ගුවන්තොටුපොළ භාවිත කරනු ලැබීය.