සංචාරක වීසා මත විදේශ රැකියා සඳහා ගොස් සිටින සියලුම ශ්‍රී ලාංකිකයින් අසාදු ලේඛනගත කරන බව ශ්‍රී ලංකා විදේශ සේවා නියුක්ති කාර්යාංශය නිවේදනයක් නිකුත් කරමින් පවසයි.
ඔවුන්ට එරෙහිව නීතිමය පියවර ගන්නා බවත් එම නිවේදනයේ වැඩිදුරටත් සඳහන් කර තිබේ.
නීතිවිරෝධී ලෙස සංචාරක වීසා මත ඕමානයට ගොස් රැකියා සඳහා පැමිණි කාන්තාවන් 18 දෙනෙකු අතුරුදන්ව සිටින බව වාර්තා වේ.
එසේම, තම සේවා ස්ථානවලින් පලා ගිය කාන්තාවන් ඕමානයේ කර්මාන්ත අමාත්‍යාංශය විසින් අසාදු ලේඛනගත කර ඇත.
ඒ සමගම ඕමානයේ නීතිවිරෝධී ලෙස ජීවත් වන බවට සැලකෙන ශ්‍රී ලාංකිකයන් මෙරටට ගෙන්වා ගත් විට ඒ සඳහා වන වියදම් ඔවුන් විසින්ම දැරිය යුතු බවද දන්වා ඇත.