ලංකා ඛනිජ තෙල් නීතිගත සංස්ථාවේ සේවකයන්ට ප්‍රසාද දීමනා ගෙවීමට කිසිදු බාධාවක් නොමැති බව පොදුජන ප්‍රගතිශීලී සේවක සංගමයේ ඛනිජ තෙල් ශාඛාවේ සභාපති බන්දුල සමන් කුමාර පැවසීය.
සභාපතිවරයා මේ බව ප්‍රකාශ කළේ ඊයේ (05) පැවති මාධ්‍ය හමුවකට එක්වෙමිනි.
එහිදී වැඩිදුරටත් අදහස් දැක්වූ සභාපතිවරයා කියා සිටියේ පාරිතෝෂික ගෙවීම පිළිබඳව මහ බැංකුව ඉදිරිපත් කර ඇති මාර්ගෝඋපදේශලට අනුව ප්‍රසාද දීමනා ගෙවිය හැකි බවයි.
ඛනිජ තෙල් නීතිගත සංස්ථාවේ සේවකයන් කොවිඩ් සමයේදීද අඛණ්ඩව සේවය කළ බවත් රාජ්‍ය සංස්ථාවල සේවකයන්ට පාරිතෝෂික නොගෙවන ලෙස මහා භාණ්ඩාගාරයෙන් මේ දක්වා කිසිදු චක්‍රලේකනයක් නිකුත් කර නොමැති බවත් සභාපතිවරයා වැඩිදුරටත් අවධාරණය කළේය.