පොලිස් විශේෂ කාර්ය බළකායේ නිලධාරීන් 664 දෙනෙක්ට උසස්වීම ලබාදීමට පියවර ගෙන තිබේ.
ඒ අනුව මොවුන් 664 දෙනා ඔවුන්ගේ ඊළඟ නිලයට උසස් කර ඇත. විශේෂ කාර්ය බළකායේ නිලධාරීන් එකවර උසස්වීම් ලැබූ පළමු අවස්ථාව මෙය වීම විශේෂත්වයකි.
පොලිස් පරීක්ෂක තනතුරේ සිට ප්‍රධාන පොලිස් පරීක්ෂකවරුන් 03ක්, උප පොලිස් පරීක්ෂක තනතුරේ සිට පොලිස් පරීක්ෂක තනතුරට 41ක්, පොලිස් සැරයන් තනතුරේ සිට උප පොලිස් පරීක්ෂක තනතුරට 111ක්, පොලිස් සැරයන් රියදුරු තනතුරේ සිට උප පොලිස් පරීක්ෂක තනතුරට 08ක්, පොලිස් කොස්තාපල් රියදුරු තනතුරේ සිට පොලිස් සැරයන් රියදුරු තනතුරට 06, පොලිස් කොස්තාපල් තනතුරේ සිට පොලිස් සැරයන් තනතුරට 495ක් වශයෙන් මෙම උසස්වීම ලබා දී තිබේ.