බොරැල්ල දේවස්ථානයේදී සිදුවී ඇත්තේ ඇපලෝ රෝහලේ වූ ආකාරයෙන්ම සිද්ධියක් බව මහජන ආරක්ෂක ඇමති රියාද් අද්මිරාල් සරත් වීරසේකර පවසයි.
ඇමතිවරයා මේ බව ප්‍රකාශ කළේ නුංගමුව නව පොලිස් ස්ථානය විවෘත කිරීමේ අවස්ථාවට එක්වෙමිනි.
අත්අඩංගුවට පත්ව ඇති සැකකරු මාස 10ක කාලයක් එම දේවස්ථානය සේවය කළ පුද්ගලයකු බවත් මේ වනවිට ඔහු සිද්ධිය පිළිගෙන ඇති බවත් ඇමැතිවරයා එහිදී සඳහන් කළේය.
බෝම්බය රැගෙන ආ බව කියන පුද්ගලයා විසින්ම එය පෙන්වා දී ඇති අතර බිම තිබූ බෝම්බය අල්තාරය මතින් තිබ්බේ තමන් බවට ඔහු පිළිගෙන ඇති බව ඇමැතිවරයා සඳහන් කළේය.
සැකකරුගේ කාමරයේ ගිනිකූරු, හඳුන්කූරු, ටේප් ආදියද තිබී හමුවී ඇතැයි පැවසූ අමාත්‍යවරයා කියා සිටියේ මෙම පරීක්ෂණ සිදුවන ආකාරය වැරදියි යැයි කීම වැරදි ප්‍රකාශයක් බවයි.