දෙදින නිල සංචාරයක් සඳහා දිවයිනට පැමිණ සිටින ඉන්දීය විදේශ කටයුතු අමාත්‍ය එස්. ජයිශංකර් විදේශ කටයුතු අමාත්‍ය අලි සබ්රි හමුවී තිබේ.
ඊයේ (19) රාත්‍රියේදීයි එම හමුව පවත්වා ඇත්තේ. එහිදී දෙරටේ රාජ්‍ය තාන්ත්‍රික සබඳතා සම්බන්ධයෙන් දෙපාර්ශවය අතර දීර්ඝ වශයෙන් අදහස් හුවමාරු වී ඇති බව වාර්තා වෙයි.
එහිදී ඉන්දීය විදේශ කටයුතු අමාත්‍යවරයා අමාත්‍ය අලි සබ්රි හමුවේ ප්‍රකාශ කර ඇත්තේ ආර්ථිකය යථා තත්ත්වයට පත්කිරීම වෙනුවෙන් මෙරටට ආයෝජන ප්‍රවාහයන් තවදුරටත් ශක්තිමත් කිරීමට අවශ්‍ය සහයෝගය ලබාදෙන බවයි.