ආයුර්වේද ඖෂධ නිෂ්පාදනය සඳහා අවශ්‍ය අමුද්‍රව්‍ය හිඟයක් පවතින බව ආයුර්වේද දෙපාර්තමේන්තුව පවසයි.
ආයුර්වේද දෙපාර්තමේන්තුවේ කොමසාරිස් ජනරාල් ධම්මික අබේගුණවර්ධන පැවසුවේ රට තුළ පවතින ඩොලර් හිඟය හේතුවෙන් අමුද්‍රව්‍ය ආනයනය කිරීමේ බාධාවක් මතුව ඇති බවයි.
මේ හේතුවෙන් අත්‍යාවශ්‍ය ඖෂධ වර්ග 137ක් නිෂ්පාදනය කිරීම සීමා කර ඇති බවද ඔහු සඳහන් කළා.
වෙනත් රටවල වගා කරන ඖෂධ පැළෑටි සහ සමහර ඖෂධීය අමුද්‍රව්‍ය අනිවාර්යයෙන් ආනයනය කළ යුතු බව පැවසූ කොමසාරිස්වරයා අවධාරණය කළේ
ඖෂධ අමුද්‍රව්‍ය ඉන්දියාවෙන් ආනයනය කරන බවත් දැන් ඒවායේ මිල ඉහළ යමින් පවතින බවත් පැවසීය.