ශ්‍රී ලංකාවට ආනයනය කර රේගුව විසින් රඳවා ගත් රුපියල් බිලියන 05 ක පමණ වටිනාකමකින් යුත් භාණ්ඩ සහ බහාලුම් 88 ක් පමණ වසර ගණනාවක් තිස්සේ වරායේ පර්යන්තවල සහ ගුදමි තුළ ස්ථානගත කර ඇති බව හෙළිව තිබෙනවා.
මේ හේතුවෙන් වරාය අධිකාරියට විශාල පාඩුවක් මෙන්ම ගුදමි හා පර්යන්තවල ඉඩ ඇහිරීම හේතුවෙන් පරිපාලන ගැටලු රැසකට මුහුණ දීමට සිදුව ඇති බව විෂය භාර අමාත්‍ය නිමල් සිරිපාල ද සිල්වාගේ ප්‍රධානත්වයෙන් පෙරේදා එම අමාත්‍යංශයේ පැවති සාකච්ඡාවකදී හෙළිව ඇත්තේ.
මෙලෙස සිරවී ඇති භාණ්ඩ අතර 2015 වසරේදි රඳවා ගත් පුවක් බහාලුම් 12 ක්, 2019 වසරේදි රඳවා ගත් බාස්මතී සහල් බහාලුම 39 ක්, 2020 වසරේ රඳවා ගත් ටයිල් බහාලුම 15 ක්,2013 වසරේ රඳවා ගත් වාහන අමතර කොටස් බහාලුම 05 ක් වනවා.මීට අමතරව තවත් බහාලුම් රැසක් පවතින බවයි. එම අමාත්‍යංශය සඳහන් කළේ.