කඹුරුගමුව බොරොල්ල පාර දුම්රිය හරස් මාර්ගයේදී මෝටර් රථයක් මාතර සිට මහනුවර බලා ධාවනය වෙමින් තිබූ ශීඝ්‍රගාමී දුම්රියේ ගැටීමෙන් එහි රියැදුරා ජීවිතක්ෂයට පත්ව තිබේ
අද (06) සවස මෙම අනතුර සිදුව ඇති බවයි පොලීසිය පවසන්නේ.
මෙම අනතුරෙන් මිය ගොස් ඇත්තේ දෙනිපිටියේ පදිංචිව පුබුදු ප්‍රියංක (41) නමැති එක්‌දරු පියෙක් වන අතර ඔහු විසින් පදවා ගෙන පැමිණි මෝටර් රථය දුම්රිය හරස් මාර්ගය පසු කිරීමට උත්සාහ කරනවාත් සමගම දුම්රියේ ගැටී ඇති බවයි පොලීසිය සඳහන් කළේ.
අනතුරින් බරපතළ තුවාල ලැබූ පුද්ගලයා මාතර මහ රෝහලට රැගෙන එනවිටත් මිය ගොස් තිබේ.
සිද්ධිය සම්බන්ධයෙන් මාතර මූලස්ථාන පොලිසිය වැඩිදුර පරීක්ෂණ පවත්වති.
