පලාබද්දල සිට රත්නපුරය බලා ගමන් කරමින් තිබූ සිරිපා වන්දනා විශේෂ සේවා බස් රථයක් අද (10) දහවල් පාරෙන් ඉවතට පැන අඩි 30 ක් පමණ හෙළකින් පහළට පෙරළී ඇති බව පොලීසිය පවසයි.
මෙලෙස පෙරළී ගොස් ඇත්තේ රත්නපුර ලංගම ඩිපෝවට අයත් බස් රථයක් වන අතර මෙම අනතුරින් තුවාල ලැබූ කිහිපදෙනෙක් ගිලීමලේ රෝහලට ඇතුළත් කළ බවයි පොලිසිය සඳහන් කරන්නේ.
අනතුර සිදුවන අවස්ථාවේ බස් රථයේ හතළිස් පස් දෙනෙක් පමණ සිට තිබේ. තුවාල ලැබුවන්ගේ තත්ත්වය බරපතල නොවන අතර අනතුරට හේතුව මෙතෙක් අනාවරණය වී නොමැත.