ජාතික අධ්‍යාපන විද්‍යා පීඨවලට මෙවර ඇතුළත් වන සිසුන් හයදහසට මාසිකව රුපියල් දසදහස බැගින් වසර තුනක කාලයකට ණය මුදලක් ලබා දීමට රාජ්‍ය බැංකු අධ්‍යාපන අමාත්‍යාංශය සමග එකඟතාවකට පැමිණ ඇති බව වාර්තා වෙයි.
එම සිසුන්ට ආණ්ඩුව මාසිකව ලබා දෙන රුපියල් පන්දහසට අමතරව මෙම රුපියල් දසදහස ලබා දෙනු ලබයි. පවතින ආර්ථික අර්බුදය හේතුවෙන් සිසුන්ගේ ආහාර පාන සඳහා රුපියල් පන්දහසක මුදල ප්‍රමාණවත් නොවීම හේතුවෙනුයි මෙම රුපියල් දසදහසක මාසිකව ලබා දෙනු ලබන්නේ.
වසර තුනක පුහුණු කාලයෙන් පසු එම සිසුන් ගුරුවරුන් ලෙස පද්ධතියට එක් වන අතර එලෙස පද්ධතියට එක් වීමෙන් පසු ගෙවීමේ පදනම මත ඉහත ණය මුදල ලබා දෙනු ලබයි.