ඊශ්‍රායලය විසින් සිරියාවේ ඩමස්කස් නුවරට එල්ල කළ මිසයිල ප්‍රහාරයකින් පුද්ගලයින් 5 දෙනෙකු ජීවිතක්ෂයට පත්ව ඇති බව විදෙස් මාධ්‍ය වාර්තා කරයි.
ඊයේ (19) අලුයම එල්ල වූ ප්‍රහාරයෙන් තුවාල ලැබූ සංඛ්‍යාව මෙතෙක් අනාවරණය වී නොමැත.
පසුගිය 06 වැනිදා සිරියාවේ සහ තුර්කියේ ඇති වූ රික්ටර් පරිමාණයේ 7.8ක ප්‍රබල භූමිකම්පාවෙන් පසුව එල්ල වූ පළමු ප්‍රක්ෂේපණ ප්‍රහාරය මෙය බව විදෙස් මාධ්‍ය වාර්තා කර තිබේ.
ඩමස්කස් නගරයට අවසානයේ ජනවාරි 2 වන දින ප්‍රහාරයක් එල්ල වූ අතර එහිදී බොහෝ සිරියානු සොල්දාදුවන් මිය ගියහ.